КЕТОЗ

КЕТО́З, а ц е т о н о м и я – кепшөөчү малдын организминдеги белок, углевод ж-а май затта­рынын алмашуусунун бузулушунан болгон ылаң. Көбүнчө саан уй, кой төлдөгөнгө чейин ылаңга чалдыгат. Дарттын негизги себеби – тоютта углевод м-н протеиндин жетишсиздиги. Ал малдын сүттүүлүгүнөн, тукумчулдугунан ж-а малды сериндетпөөдөн болот деп божомол­донот. Ылаң мал тоютка көңүлү чаппай, ичеги­ карындын ж-а тоют сиңирүүчү бездердин иште­ши бузулуп, кан, сийдик ж-а сүттө кетон затта­ры көбөйөт, сүтү тартылып, арыктайт. Ылаң­ды дарылабаса, мал өлүмгө учурайт. Дарылоо­до венага глюкоза куюп, гормондук дары-дар­мектер берилет, тоютту көзөмөлдөө керек. Ал­дын алууда туура тоюттандыруу ж-а багуунун мааниси чоң.