КЕРИМСЕЛ

КЕРИМСЕЛ (ар. керим – ысык, сел – агым; ысык агым) – жай мезгилинде болуучу кургак, ысык (20–25°С) жел. Мелүүн алкактын талаа ж-а жа­рым чөл зоналарына, айрыкча Каспий бою ой­дуңуна ж-а Казакстанга мүнөздүү. Аба ырайы­нын антициклондук режиминде пайда болот. Ылдамдыгы 5–20 м/сек, салыштырмалуу ным­дуулугу 30%ке чейин. Керимсел көбүнчө бир нече сут­кага чейин гана болуп, узакка созулбайт. Жо­горку температура ж-а абанын аз нымдуулугу жергиликтүү аба массасынын трансформациясына алып ке­лет. Керимсел жүргөндө буулануу күчөп, топуракта ным жетишпегендиктен, айыл чарбага чоң зыян кел­тирет. Керимсел Кыргызстандын кургакчыл аймактарына да мүнөздүү.