КЕНЖАЕВ Махамаджан Гуламович
КЕНЖАЕВ Махамаджан Гуламович (4. 5. 1949- жылы туулган, Өзбекстан, Анжиян облусу, Коргон-Төбө району, Токтогул айылы) – хирург, медицина илимдеринин доктору (2002), профессор (2004), КРдин саламаттык сактоосунун отличниги (1995). КММИни (1976), ошол эле жерде аспирантураны (1981) бүтүргөн. 1981–97-жылдарда КММИде ассистент, доцент, 1997-жылдан Жайыл райондук ооруканасында хирургия бөлүмүнүн башчысы. 2000-жылдан кайрадан КММАда доцент, профессор. 2006–08-жылдарда ошол эле жерде декан, проректор. 2009-жылдан КММАнын медициналык борборунда директордун орун басары болуп иштейт. Хирург, гастроэнторология ж-а паразитология тармагы боюнча адис. 70тен ашык илимий эмгектин, анын ичинде 4 монографиянын автору.
Эмг.: Диагностика и хирургическое лечение эхинококкоза и профилактика его рецидива. Б., 2001; Современные подходы к хирургическому лечению паховых и послеоперационных вентральных грыж. Б., 2008.