КАШКА ЧЫМЧЫКТАР

КАШКА ЧЫМЧЫКТАР (Paridae) – куштардын сайрагыч та­ранчы сымалдар түркүмүнүн тукуму. Денеси жу­муру, узундугу 7,6–20 смге чейин жетет. Жүнү жум­шак, тумшугу конустай, кээде учтуу. 2 туку­му – кашка чымчыктар (3 уруу, 48 түрү) ж-а куркулдайлар (4 уруу, 10 түрү) бар. Түштук Америка, Мадагаскар ж-а Австралиядан башка жерлерде кеңири та-

Кашка чымчыктар: 1 – московка; 2 – ла­зоревка; 3 – үрпөк кашка чымчык; 4 – узун куйрук кашка чымчык; 5 – чоң каш­ка чымчык.

ралган. Көбүнчө токойдо жашайт. Канаты тегерек болгондуктан, алыска уча албайт. Буту кыска, тырмагы жакшы өөрчүгөндүктөн, бак-даракта шамдагай жөргөлөп, секирип жүрөт. Көпчүлүгү­нүн төбөсү, алкымы кара же күрөң, башынын эки жагы ак. Дарак коңулдарына уялайт, кы­зыл тактуу 4–14 жумуртка тууйт. 14–17 күндө балапанын басып чыгарат. Зыянкеч курт-кумурскалар ж-а уруктар м-н азыктанат.