КАТТАХАЗ КУМ-ШАГЫЛ КЕНИ

КАТТАХАЗ КУМ-ШАГЫЛ КЕНИ Ош облусунун Кара-Суу районунда, Ош шаарынан 2–3 км түштүк-ба­тышта, Ак-Буура суусунун сол жээгинде, деңиз деңгээлинен 1000–1300 м бийикте. 1977-жылы Түштүк Кыр­гыз геологиялык экспедициясы чалгындаган. Калың­дыгы 30 мден 70 мге жеткен плиоцен-төмөнкү төртүнчүлүк мезгилиндеги аллювий кум-шагыл­дан түзүлгөн. Кум-шагылдын астында конгло­мераттар жатат, калыңдыгы 7,5–10 мге жеткен кумайлуу чопо м-н жабылып калган. Кошун­дуда 25,5% койташ, 52% шагыл, 22,5% кум бар. Кум-шагыл «300» маркадагы бетон даярдоого жарамдуу. Запасы А+В категориясы боюнча – 6000 миң м³, С – 9700 миң м³, А+В+С – 15700 м³. 1997-жылга карата баланстагы запасы: А –122 миң м³, В – 1841 миң м³, А+В –1963 миң м³, С₁ – 9700 миң м , А+В+С₁ – 11663 миң м .