КАТАРСИС

КА́ТАРСИС (грекче katharsis – тазартуу) – байыр­кы грек эстетикасында искусствонун адамга тааси­рин мүнөздөгөн түшүнүк. «Катарсис» термини гректер­де диний, этикалык, физиологиялык жана медициналык мааниде колдонулган. Трагедияга аныктама берип («Поэ­тика»), Аристотель боорукерлик жана коркунуч сезими аффекттерди тазартарын белгилеген. «Cаясатта» музыка да адамга таасир тийгизип, аны «тазартат, башкача айтканда ырахаттандырат жана жеңил­детет» деген. Катарсиске арналган адабияттарда анын ма­ңызы жөнүндө бирдей пикир жок. З. Фрейддин окууларында «Катарсис» термини психотерапиялык методдордун бирин белгилөө үчүн колдонулат.