КАТАРАКТА

КАТАРА́КТА (гр. katarrhaktes – шаркыратма) –көз чечекейинин тунарышы. Ал жарык нуру­нун өтүшүнө тоскоол болуп, көрүүнү начарла­тат. Тубаса ж-а кийин пайда болгон түрү бар. Тубаса катаракта түйүлдүктө эле пайда болот. Анда че­чекейдин тунаруусу жаш өткөн сайын өзгөрбөйт, тунук бөлүктөр сакталып, көрүү анча начарла­байт. Кийин пайда болгон катарактада тунаруу чечекей­дин чет жагынан башталса, көрүүнүн начарла­ганы көпкө чейин сезилбейт. Кийинчерээк чет­теги тунаруу ортого чогулуп кошулганда көрүү начарлайт. Буга улгайгандардын катарактасы мүнөздүү. Мында бүт чечекей бозоруп, көз дээрлик көрбөй калат. Катарактанын күчөшүнө кант диабети, көздүн көп оорушу, көздүн майып болушу, ошондой эле жо­горку температура ж. б. шарт түзөт. кАТАРАКТА (Чечекейдин ту­нарышы ) күчөгөндө хирургиялык жол м-н дарылайт. Айрым учурда жасалма чечекей коюлат.

Ад.: Евграфов В. Ю., Батманов Ю. Е. Катаракта. М., 2005.