КАРЫЗ

КАРЫЗ – мурда түзүлгөн келишимге ылайык бир жеке адам же юридикалык жак башка жеке адам­дарга же юридикалык жактарга берүүчү акча же баш­ка активдердин белгилүү бир суммасы. Карыз эгер бир жылдан ашык убакытта кайтарылбаса, узак мөөнөттүү болуп саналат. Карыздакордун төлөө­гө жөндөмсүздүгүнөн улам жабууга мүмкүн болбо­со, карыз кайтарымсыз болушу мүмкүн. Жеке адам­дардын карызына күрөөлүк, бөлүп төлөнмө кредит, банк ссудалары ж-а овердрафт кирет. Мамле­кеттик карыз узак мөөнөттүү облигациялар ж-а кыска мөөнөттүү казыналык векселдер тү­рүндө болушу мүмкүн.