КАРРЕРАС

КАРРЕ́РАС Хосе (5. 12. 1946-жылы туулган, Барселона) – испан ырчысы (тенор). 11 жашынан «Лисео» (Барселона) театрында Мануэль де Фальининин «Пет­ро маэстронун балаганчиги» операсынан Аңге­мечинин партиясын аткарган. Барселона кон­серваториясын бүткөн. Алгач 1970-жылы Барселона театрынын сахнасында В. Беллининин «Норма» опе­расында Флавиянын пар­тиясын ырдап чыккан.

Пар­мадагы Ж. Верди атындагы во­калисттер сынагынын (Лондон, 1971) операларын М. Кабалье менен бир­ге ырдап чыккандан кийин эл аралык деңгээл­де таанылган. Каррерас 60тан ашык опералык парти­яны «Ла Скала» (Милан), «Метрополитен-опе­ра» (Нью-Йорк), «Ковент-Гарден» (Лондон), Вена жана Бавария мамлекеттик (Мюнхен) опера театрлары жана башка дүйнөлүк театрлардын сахналарында чоң чеберчиликте аткарган. 1990-жылы П. Доминго жана Л. Паваротти менен бирге «Үч тенор» эл аралык долбоорунун алкагында ырдап чыккан. Эл ара­лык Лейкемияга каршы күрөшүү фондун уюш­турган (1988). Ардактуу легион ордени менен сый­ланган.