КАРА ДАРЫ

КАРА ДАРЫ – жарылуучу зат. Ал 75% калий нитратынын аралашмасынан, 13% жыгач кө­мүрүнөн ж-а 12% көмүрдөн турат. Ар бир ингре­диент алгач майдаланат, анан аралаштырылат ж-а алынган аралашма нымдалып, дагы бир жолу майдаланат. Алынган масса белгилүү өл­чөмгө чейин ныкталып, анан кургатылат. Жа­рылуу учурунда күйбөй калган күкүрттүн ж-а жыгач көмүрүнүн калдыгы кошулуп, жарылуу­дан кийинки түтүндү пайда кылат. Кара дары 10-кылымга чейин кытайлар м-н арабдарга белгилүү болгон. Ал эми Европада 14-кылымдан баштап, 1904-жылга че­йин согуштук иш-аракеттерде колдонулган. Азыр Кара дары дээрлик колдонулбайт.