КАРА-САЗ (Нарындын оң куймасы)

КАРА-САЗ – Кичи Нарындын оң куймасы. На­рын району аркылуу аккан суу. Узундугу 45 км, алабы­нын аянты 425 км². Капка-Таш тоосунун түндүк капталынан башталып, Кара-Каман ж-а Кап­ка-Таш тоолорунун аралыгындагы түзөң, саз­дуу өрөөн аркылуу агат. Башталышында Бел-Тепши, ортоңку агымында Чардак-Суу ж-а Таш- Кечүү деп аталат. Ири куймалары: Корумду-Суу, Кара-Булак, Ичке-Булак, Бел-Булак. Жылдык орточо чыгымы 2,5–3,7 м³/сек. Эң көбү июль– августта, азы январь–февралда байкалат. Ап­рель–сентябрда кирип, октябрь–мартта тар­тылат.