КАРА-ОЙ КУМ-ШАГЫЛ КЕНИ

КАРА-ОЙ КУМ-ШАГЫЛ КЕНИ Талас районунда, Кара-Ой кыштагынын жанында, Чоң Чычкан ж-а Үч-Кошой суулары кошулган жерден 1,5 км түш­түктө жайгашкан. 1981–82-жылдарда Түндүк Кыргыз геологиялык экспедициясы чалгындаган. Кен аймагын ант­ропоген мезгилинде пайда болгон чөкмө тектер түзөт. Кум-шагыл Үч-Кошой суусун бойлой жай­гашып, кашаттуу тектирден турат. Узундугу 1760 м, жазылыгы 100 м аянтты ээлейт. Шагыл жак­шы жумуруланган. Гранулометрлик курамы: 500–70 мм – 49,02%, 70–5 мм – 31,53%, 5 ммден майдасы – 19,45%. Шагылды майдалагандан кийин «300», «400» маркасындагы бетонго, ку­мун жолго пайдаланса болот. Кендин запасы: А категориясы боюнча 576 миң м³, В – 504 миң м³, 3 3 С₁– 2844 миң м , А+В+С₁ – 3924 миң м , С₂ – 1536 миң м³.