КАРАКАШ КӨРҮСТӨНҮ

КАРАКАШ КӨРҮСТӨНҮ – биздин заманга чейинки VI–V кылымдардагы көчмөн сак урууларынан калган мүрзөлөр. Ток­тогул районундагы Кызыл-Туу айылынын жанында жайгашкан. 10дон ашуун дөбө-мүрзөдөн турат. Мүрзөлөрдү казганда чопо идиштер, кийимге ка­далуучу алтын каңылтырлар жана башкалар табылган. Мүрзөлөрдүн бийиктиги 4–6 м, диаметри 35–45 мге жеткен. Айрымдарынын үстүндөгү дөбө үчүн 2000 м³ топурак, 1000 м³ таш, 6–7 м³ арча жум­шалган.