КАОЛИНИТ

КАОЛИНИ́Т – алюмосиликаттар тобуна кирүүчү минерал. Химиялык формуласы Al₄[Si₄O₁₀](OH)₈. Мо­ноклин системасында кристаллданат. Өңү-түсү ак, түссүз. Кошунду элементтер кездешсе, сары күрөң, жашыл, кара түскө өтөт. Кристаллдары өтө майда, сейрек жолугат. Катуулугу Моос шка­ласы боюнча 1ге барабар. Салыштырма салмагы 2,6. Кармаганда майланышкансып сезилет. Кургак кезинде ным­ды өзүнө тартып алат. Нымдашканы илеш­чээк, камырдай жуурулат. Талаа шпатынын тал­каланышынан пайда болот. Чополордун кура­мына кирет. Курулуш ишинде, кагаз, карапа өнөр жайында, электр-техникада, отко чыдамдуу ма­териалдарды жасоодо, боёк даярдоодо, алюми­ний өндүрүп алууда колдонулат. Топурак кыр­тышын түзүүгө катышат.