КАН-ЖАЙЛОО МӨҢГҮСҮ

КАН-ЖАЙЛОО МӨҢГҮСҮ – Борбордук Теңир-Тоодогу бутактанган өрөөн тибиндеги мөңгү. Сары-Жаз суусунун алабында. Эңилчек кырка тоосунун ортоңку бөлүгүндө, анын түндүк айрыгынын ара­ларында жайгашкан. Узундугу 13 км, аянты 32,5 км². Мөңгүнүн башы деңиз деңгээлинен 5257 м, этеги 3150 м бийикте. Кар чегинин бийиктиги 4200 м. Мөңгү мез­гил-мезгили м-н тартылып, кайра ордуна ке­лип турат. Андан Эңилчек суусунун сол куйма­сы Ат-Жайлоо суусу башталат.