КАНТТАР

КАНТТАР (сахара) – углеводдордун молекулалык саны чоң эмес өкүлдөрү – моносахариддер ж-а олиго­сахариддер (ди-, три- ж. б. сахариддер). Канттар суу­да абдан жакшы эрийт ж-а жакшы кристалл­данат. Аларга сахароза – бал камыш ж-а кы­зылча канты, лактоза – сүт канты, мальтоза –угут канты, глюкоза – жүзүм канты, ошондой эле мо­лекуласында ОН тобунун ордуна башка топтор (NH₂, SH ж. б.) болгон канттар кирет (к. Углеводдор, моносахариддер, олигосахариддер).