КАНПУР

КАНПУР – Индиянын түндүк бөлүгүндөгү шаар. Уттар-Прадеш штатында. Ганг дарыясынын оң өйүзүн­дө жайгашкан. Калкы 2,7 млн (2011). Маанилүү жолдор тоому. Алгач кыштак катары 1579-жылдан эскерилет. Индиянын ири соода өнөр жай борбору. Машина куруу, металл иштетүү (само­лёт, станок куруу, электр-техника жана башкалар), химия (пласт­масса буюмдар, самын жана кир кетирүүчү кара­жаттар), жеңил (булгаары бут кийим), тамак-­аш (күрүч акталат, татымалдар) өнөр жай ишкана­лары иштейт. Ошондой эле текстиль (кебез, жибек, кыл торко жана синтетика кездемелер) өнөр жайы өнүккөн. Университеттер, институттар бар.