КАМАРЛИ Закир Паша оглы

КАМАРЛИ Закир Паша оглы [1942-жылы туулган, Азер­байжан, Кировабад (азыр Гянжа) шаары] – онко­лог, медицина илимдеринин доктору (1988), профессор (1995). И.К. Ахунбаев атындагы КММИни бүтүргөн (1967). КРдин илимине эмгек сиңирген ишмери (2003). Кыргызстан онкология ж-а радиология ИИИде (учурда улуттук онкология борбору) врач болуп иштеген (1967–71), ошол эле институттун аспиранты (1971–74), окумуштуу катчысы (1974–78), институттун директорунун орун басары (1975–85), директору (1986–97), 1997-жылдан КРСУда кафедра башчысы, бир эле мез­гилде медициналык борбордун жетекчиси. Жалпы ж-а балдар онкологиясы боюнча адис. 90дон ашык илимий эмгеги, анын ичинде 1 монографиясы бар.

Эмг.: Поликлиническая онкология детского воз­раста (в соавторстве). Б., 1991; Эпидемиология зло­качественных опухолей у детей в Кыргызстане. Б., 2001.