КАЛЬМАРЛАР

КАЛЬМАРЛАР (Teythida) – баш буттуу моллюс­калар түркүмү. Дене узундугу 2 смден 5 мге жетет. Ири кальмарлардын узундугу 6–13 мге (тинтүүрү м-н), кээде 18 мге, салмагы 300 кгдан 1 тга чейин жетет.

Ба­шында 8 буту, 2 тинтүүрү бар. Тинтүүрүндө төрт же андан көбүрөөк катар соргучтары бо­лот. Скелети мүйүз сымал ичке пластинка (гладиус). Барды­гынын радуласы ж-а сыя баштыкча­лары бар. Тайыз сууда жашоочу кальмарлар түсүн өзгөртүп ту­рат, тереңдегилери бир түстө же түс­сүз. Көбүнүн жарык чыгаруучу органдары бар. Кальмарлардын 25 тукуму, 85тен ашык уруусу, 250дөн ашык түрү Арктикадан Антарктидага чейин та­ралган. Кальмарлар – үйүрү м-н жүргөн активдүү жырт­кычтар. Деңиз түбүндөгүлөрү – аз кыймылда­ган макропланктонофагдар. Кальмарлар – кашолоттун, ошондой эле кээ бир деңиз жаныбарларынын негизги азыгы. Кальмарлар – фармацевтика өнөр жайынын сырьё бу­лагы болуп эсептелет.