КАЛМУРЗАЕВ

КАЛМУРЗАЕВ Каный Егизбаевич (3. 2. 1932, Кызыл-Кыя – 1998, Бишкек) – геолог ж-а гео­химик, геология-минералогия илимдеринин доктору (1972). Кыргыз ССР ИАнын корреспондент-мүчөсү (1977), КРдин мамлекеттик сыйлыгынын лауреа­ты (1995).

Москва геологиялык чал­гындоо институтун бүткөн (1957). Кыргыз ССР ИАнын геология институтунун кенже (1957), улук (1965) илимий кызматкери, сек­тор башчысы (1973), сейсмо­логия институтунун директору (1975– 88), Кыргыз ССР ИАнын тоо тектеринин фи­зикасы ж-а механикасы ин­ститутунда лаборатория башчысы (1988–98). 140тан ашык илимий эмгектин автору (анын ичинде 10 монография). Эмгектери негизинен Теңир-Тоо бүктөлүү системасындагы байыркы тоо тектер­дин геология түзүлүшүн, курамын ж-а кен-байлыктарды изилдөөгө, формация-геохимиялык анализдөөгө арналган. Кембрий м-н ордовикте пайда болуп, металлдар кеңири тараган каралжын сланец­терди Түркстан-Алай, Заравшан, Кызыл-Кум ж-а Нура-Тоо аймактарында толук изилдеп, ку­рамында сейрек, чачыранды ж. б. баалуу химиялык элементтер бар көмүртек-кремнийлүү каралжын формациясын өз алдынча структура-формация­лык ж-а стратигр. бирдик катары бөлгөн. Ме­далдар м-н сыйланган.

Эмг.: К палеографии протерозоя и нижнего палеозоя Тянь-Шаньской складчатой системы //«Изв. АН Кирг. ССР». В. 4. 1972; О принципах комплексного сейсми­ческого районирования // Сейсмо-тектоника неко­торых районов Юга СССР. М., 1976.