КАЙЫҢДЫ (Токтогул районундагы суу)

КАЙЫҢДЫ – Токтогул районундагы суу, Нарын­дын сол куймасы. Көк-Ирим тоосунун түндүк-ба­тыш капталындагы чакан тоо көлүнөн башта­лат. Узундугу 37 км, алабынын аянты 195 км². Кууш капчыгай аркылуу агып, нугунда босоголор көп кездешет. Өрөөнү кооз, токойлуу шалбаа ээлейт. Алабынын деңиз деңгээлинен орточо бийиктиги 2800 м. Көк- Ирим тоосунун эң бийик жери (4351 м) Кайыңды суу­сунун алабында. Кайыңдынын 6 куймасы бар. Жыл­дык орточо чыгымы 2,90 м³/сек. Эң көп чыгымы июнда, эң азы февралда байкалат. Сугатка пайдаланылат. Жогорку ж-а ортоңку бөлүктө­рүндөгү куймаларында илгертен калган арык­тар кездешет. Жээгинде Кайыңды кыштагы жай­гашкан.