КАДЫРМАМБЕТОВА

КАДЫРМАМБЕТОВА Айнура Күмөновна (21. 12. 1966-жылы туулган, Нарын облусу, Кочкор району, Комсо­мол айылы) – адабиятчы, филология илимдеринин кандидаты (2000), КРдин илим ж-а техника жаатындагы мамлекеттик сыйлыгынын лауреаты (2004). КМУнун филология факультетин (1992), КР УИАнын тил, адабият институтунун аспирантурасын (1995) бүтүргөн. 1985–88-жылдарда Кыргыз ССР мамлекеттик китеп палатасын­да библиограф, 1996–2005-жылдарда КР УИАнын тил, адабият институтунда (азыр Ч. Айтматов атындагы) илимий кыз­маткер, 2005-жылдан Кыргыз адабияты бөлүмүнүн башчысы. 30дан ашуун илимий эмгектин, ошондой эле «Кыр­гыз повесттериндеги подтекст проблемасы» (1999), «Адабий кырдаал жана көркөмдүк жаңы­лануулар» (2009) аттуу илимий эмгектердин автору.