ИСФАРА (Тажикстандагы шаар)
Навигацияга өтүү
Издөөгө өтүү
ИСФАРА́ – Тажикстандын түштүгүндөгү шаар (1952-жылдан). Исфара дарыясынын боюнда. Калкы 54,9 миң (2022). Темир жол бекети. Гидрометаллургия, жарык берүүчү техника жабдуулары, минерал боёктор ж. б. заводдор, консерва, курулуш материалдар комбинаты иштейт. 16-кылымдан белгилүү. Тарыхый-край таануу музейи бар. Исфарага жакын Абдулла-хан мечити (16-кылым), орто кылымга таандык Калаи-Боло чебинин калдыктары, Хазрати-Баба мавзолейи (10–12-кылымдар, Чорку кыштагында) сакталган.