ИРРАЦИОНАЛИЗМ

ИРРАЦИОНАЛИ́ЗМ (лат. irrationalis – акыл-эссиз) – таанып-билүүдөгү акыл-эстин ролун танган же чектеген философиялык метод. Болмушту ир­рационалдык таанып-билүүнүн негизги ыкма­лары катары эрк, умтулуу, коркуу, өксүк ком­плекси ж. б. психологиялык кубулуштарды атайт. Мисалы, досту кырсыкта бил дешет. Демек, достун чы­ныгы жүзүн сезим же акыл м-н эмес, кандай­дыр бир турмуштук жагдайда, мисалы, башка кыр­сык түшкөндө билүүгө болот.