ИОНДУК БАЙЛАНЫШ

ИОНДУК БАЙЛАНЫШ, э л е к т р-в а л е н т­ т и к б а й л а н ы ш – химиялык байланыштардын бир түрү. Ал карама-каршы заряддалган ион­дордун электр-статикалык өз ара аракеттенүү­сүнө негизделген. Мындай байланыш жегич ме­таллдардын галогениддеринде даана байка­лат, мисалы, КF. Элементтердин мезгилдик систе­масында топтор жакындаган сайын иондук байланыштын күчү азаят. Мисалы, NaClго караганда АlCl₃тө иондук байланыштын күчү аз. Иондук байланыштын мейкиндикте белгилүү бир багыты болбойт, анткени ар бир иондун те­герегинде багыттар боюнча кулондук бирдей күчтөр таасир этет. Карама-каршы заряддуу эки ион өз ара аракеттенишсе, алар бири биринин зарядда­рынын күчтүк талааларын толук канааттандыр­байт, себеби ар бир ион башка багыттар боюнча да карама-каршы заряддуу иондор м-н аракеттени­шет. Демек, иондук байланыш каныкпастыгы м-н мүнөздө­лөт. Кристаллда ар бир ион карама-каршы за­ряддуу иондордун максималдуу санынын курчоо­сунда болот. Мисалы, NaCl кристаллында натрий ионунун тегерегинде хлордун алты иону жайга­шышат. Иондук байланыштагы бирикмелер уюлдуу эрит­кичтерде жакшы эрийт, диссоциацияланат, электр агымын жакшы өткөрүп, электролизденет.