ИНСТИТУТТАР
ИНСТИТУТТАР – саясий ж-а социалдык көрүнүштөрдүн эки тибин түшүндүрөт: 1) уюштурулган структурасы, борбордоштурулган башкаруусу, аткаруучу аппараты бар саясий мекемелер (бийлик институттары: өкмөт, мыйзам чыгаруучу өкүлдөр жыйыны, облустук, шаардык, райондук, айылдык кеңештер ж. б.); 2) саясий функциялардын, мамилелердин, башкаруу түрлөрүнүн формалары ж-а маңызы: президенттик бийликтин институттары, мамлекеттик өкүлчүлүктүн институттары (парламент ж. б. мамлекеттик бийликтин өкүлчүлүк органынын мүчөлөрүн шайлоо процедурасы), партиялардын, ассоциациялардын институттары (коомдун мүчөлөрүнүн кандайдыр бир белги ж-а себептери боюнча топторго биригүүсү) ж. б. Демократиялык мамлекеттерде институттар ачык, эркин аракеттенүүлөрү м-н авторитардык, тоталитардык саясий түзүлүштөрдөн айырмаланат.