ЗУРДИНОВ

ЗУРДИНОВ Аширалы (28. 12. 1946-жылы туулган, Ош облусу, Кара-Суу району, Савай айылы) – медицина илимдеринин доктору (1987), профессор (1990), КР УИАнын корреспондент-мүчөсү (2006).

КММИни (1968), ошол эле жерде аспирантураны (1974), СССР МИАнын фар­макология ИИИнин докто­рантурасын (1987) бүткөн. 1968-жылдан КММИде ас­систент, доцент, декандын орун басары, проректор бо­луп иштеген. 1997-жылдан КММИде кафедра башчы­сы. 2009-жылдан И. К. Ахун­баев атындагы КММАнын рек­тору. Зурдинов күч ж-а акыл эм­гекке жөндөмдүүлүктү фармакологиялык жөндөө (кор­рекциялоо), организмдин гипоксиялык абалы, фармакологиялык автопротекторлор ж-а антигипок­санттар боюнча КМШ өлкөлөрүнө белгилүү адис. Анын жетекчилиги м-н жаңы фитопрепарат «Иммупаз» иштелип чыккан ж-а каттоодон өткөн (2003). КРдин илимге эмгек сиңирген ишмери (1996). 235тен ашык илимий эмгектин, анын ичинен 6 моно­графия, 2 ойлоп табуунун, 10 патенттин автору.

Эмг.: Взаимодействие лекарственных средств (в со­авторстве). Б., 1992; Средства, влияющие на функ­ции исполнительных органов и на процессы тканевого обмена (в соавторстве). Б., 1996; Формуляр основных лекарственных средств КР (в соавторстве). Б., 1999; Клиническая фармакология: проблемы безопасности и рационального использования лекарственных средств на рубеже веков. Б., 2001.