ЗАСТАВА

ЗАСТА́ВА а с к е р д и к – 1) жүрүштө бараткан­да ж-а бир жерге жайгашканда аскерлерди душ­мандан кайтаруучу жоокерлер тобу. Жүрүштө кайтаруучу застава алдыңкы, каптал жаккы, оорук­тагы, токтогон жерде кайтаруучу застава, күзөт ж-а өзүнчө күзөт застава деп бөлүнөт. Застава душмандын ка­пысынан кол салуусунун алдын алуу, анын чал­гынчысынын кирип кетишине жол бербөө, ас­керлердин жайгашуусу ж-а согушка кирүүсү үчүн ыңгайлуу шарттарды түзүү ж. б. милдеттерди аткарат; 2) чек ара заставасы – мамлекеттик чек аранын белгилүү бир участкасын кайтаруучу штаттуу аскер бөлүкчөсү.