ДҮЙШӨНАЛИЕВ Туратбек Болотбекович

ДҮЙШӨНАЛИЕВ Туратбек Болотбекович (1960-жылы туулган, Талас облусу, Талас району, Кырк-Казык айылы) – физика-математика илимдеринин доктору (2003), профессор  (2012). Ростов-на-Дону  шаарындагы  инженер-курулуш институунун  “Айыл чарба курулушу” адистигин  бүтүргөн (1982). Эмгек  жолун  “Ростов Промстрой ИИИ долбоор” (Ростов-на-Дону  шаары)   институтунда инженер болуп баштаган.  Ошол эле жерде аспирант, кенже  илимий кызматкер;  ФПИ-КАСИде инженер-программист,  мугалим, улук мугалим,  доцент, кафедра башчысы, докторант; КМТУда доцент,  кафедра башчысы,  экономика ж-а финансы-чарба иштери боюнча, илим жана сырткы байланыш боюнча проректор,   ректор, кафедра  башчысы.  КРдин илим жа техника боюнча   мамлекеттик  сыйлыгынын лауреаты.   Бардыгы 146 илимий эмгектери, анын ичинде  4 монография, 2 окуу китеби, 2 патенти   жарык көргөн.  Эмг.: Прочность и пластичность материалов. –СПб.: Изд-во СПб. Политех. Универ. Петра Великого, 2016.–217 с.