ДАЛЛАС

ДА́ЛЛАС – АКШнын түштүгүндөгү шаар (1856). Техас штатында. Тринити дарыясынын боюнда. Кал­кы 1,3 миллион (2020, агломерациясында 7,5 миллион) Эл аралык аэропорту бар. АКШнын түштүгүнүн

Далластын ишкер борбору.

ири экономикалык-соода-финансы борбору жана жолдор тоому. Түштүк нефть-газ өнөр жайынын уюштуруу бор­бору. Ири авиа ракета-космос, радиоэлектрони­ка, прибор куруу, нефть-газ өнөр жайы үчүн жабдуу, тамак-аш, тигүү, полиграфия, кагаз, химия (самын жана жасалма жуучу каражаттар) өнөр жай ишкана­лары иштейт. Университет, музей, театрлар бар. Далласта президент Ж. Кеннеди атылган. Эл аралык кон­курстар (органчылардын), ярмаркалар өткөрүлүп турат.