АМФИТЕАТР -- көрүүчүлөрдүн орду
АМФИТЕАТР (грекче amphitheatru, сөзмө-сөз – тегерек зал) – 1) Байыркы Римде көпчүлүк үчүн курулган, гладиаторлорду жана жырткыч айбандарды кармаштыруучу
монумент курулуштардын бири. Ал ортосунда аренасы бар эллипс түрүндөгү зор курулма. Аренаны айланта көрүүчүлөрдүн орду болгон. Тепкич-тепкич болуп,
улам жогорулап, тирөөчтөргө карматылып, алардын ортосу фойе же тепкич катарында пайдаланылган. Амфитеатр Рим империясынын биздин заманга чейинки Верона, Помпеи, Рим (Колизей) жана башка шаарларында сакталып келген; 2) азыркы театрдагы, цирктердеги, концерттик залдардагы, аудиториялардагы, стадиондордогу көрүүчүлөр үчүн бийиктетилген орундар (мисалы, Кыргыз опера жана балет театрынын, Кыргыз академиялык драма театрынын жана башка амфитеатрлары).