АЛАП

АЛАП, д а р ы я а л а б ы ‒ жер бетинин бир дарыя тармагын камтыган, башка дарыя тармактарынан суу бөлгүчтөр менен бөлүнүп турган бөлүгү. Дүйнөдөгү эӊ ири алап ‒ Амазонка дарыясынын алабы (аянты 7,2 млн км²), Кыргызстандагы эӊ ири алап ‒ Нарын дарыясынын алабы (58,4 миӊ км²). Океан, деӊиз, көлдөргө куйган дарыялардын алаптары да океан алабы, деӊиз алабы, көл алабы деп аталат. Ысык-Көлдүн алабына Тескей Ала-Тоо менен Күнгөй Ала-Тоонун кырлары менен чектелген аймак кирет.