АЙ АВТОМАТТЫК СТАНЦИЯСЫ

АЙ АВТОМАТТЫК СТАНЦИЯСЫ - Айды изил­дөөгө арналган космостук аппарат. Аны менен Айдын кыртышы, андагы физикалык шарттар изил­денет жана ар түрдүү илимий аппараттар, Айдын сүрөтүн жана байкоонун натыйжаларын Жер­ге берип туруучу радиотелеметрдик, теле­көрсөтүүчү системалар менен жабдылган. Станция­нын түзүлүшү, анда орнотулган аппаратуралар Айда иштөөнүн өзгөчө шарттарына ылайык­талат. «Луна‑9» планета аралык автоматтык станциясы дүйнөдө биринчи болуп 1966‑жылы 3-­февралда Айга кондурулган. Кийин «Луна‑13» (21. 12. 1966), «Луна‑16» (12. 9. 1970), «Лу­на‑17» (17.11.1970), «Луноход‑1» жана америкалык «Сер­вейер‑1», «Сервейер‑7» планета аралык автоматтык станциялары ийгиликтүү учурулган.