«ИЛИМ»
«ИЛИМ» – КР УИАнын илимий китеп чыгаруучу басмасы. 1955-жылы уюштурулган. Ошол эле жылдары ал жалпы көлөмү 201 басма табакты түзгөн 36 ар кандай аталыштагы китеп, китепче, монография, жыйнак басып чыгарган. 1964-жылдан «Илим» деген аталышта. Басмадан жарыялануучу адабияттын тематикалык пландары жылдан жылга кеңейип отуруп, 1975-жылы андан коомдук ж-а табият таануу илимдери боюнча жалпы нускасы 52 миң 82 аталыштагы китеп жарык көргөн. «Илимде» 3 тармактык: коомдук илимдер; химия-технология ж-а биология; физика, техника ж-а математика редакциялары иштейт. Анын полиграфиялык базасы м-н басмасы заманбап рынок шартында улам жакшыртылып, соңку жылдарда жаңы жабдуулар м-н жабдылып, сырттан түшкөн түрдүү адабият, заказдарды да басып чыгарууда.