АСРАНКУЛОВ Аман Бөрүбаевич
АСРАНКУЛОВ Аман Бөрүбаевич (24. 12. 1939, Фрунзе ‒ 1998) ‒ живописчи. КРдин эл сүрөтчүсү (1997), Кыргызстан Ленин комсомолу сыйлыгынын лауреаты. Фрунзедеги көркөм сүрөт окуу жайын (1964), Москвадагы В. И. Суриков атындагы көркөм сүрөт институтун (1969) бүтүргөн. 1970-жылдан республикалык, бүткүл союздук жана эл аралык көргөзмөлөрдүн катышуучусу. 1971-жылдан СССР сүрөтчүлөр союзунун мүчөсү. 1976-жылы Кыргызстан сүрөтчүлөр союзунун Ош облустук бөлүмүнүн төрагасы болуп шайланган. А. Асранкуловдун чыгармачылыгын көбүнчө сюжеттик-тематикалык жана портрет жанры түзгөн: «Тамекичилер», «Теӊтуштар» (1973), «Тамеки престөөчүлөр» (1980). А. Асранкуловдун эмгектери Г. Айтиев атындагы Кыргыз улуттук көркөм сүрөт искусство музейинде жана КМШ өлкөлөрүнүн музейлеринде сакталууда.
