АНАРОВ Айтбай

АНАРОВ Айтбай (1904, Ош обл., Араван р-ну,Ачы айылы –30.1.1989, ошол эле жерде) – а. ч. өндүрүшүн уюштуруучусу, Соц. Эмг. Баатыры (1957). 1936-жылга чейин «Ачы», «Комсомол» колхоздорунун башкармасынын төрагасынын орун басары, 1936-жылдан Ош обл-нун Араван р-нундагы «Коммунизм» колхозунун башкармасы. Ал жетектеген колхоз алдынкы чарбага айланып, а. ч. өсүмдүктөрүнүн түшүмдүүлүгү артып, коомдук малдын саны көбөйүп, кунардуулугу жогорулаган. Ленин, эки Эмгек Кызыл Туу ордендери м-н сыйланган.