https://encyclopedia.edu.kg/index.php?action=history&feed=atom&title=%D0%91%D0%A0%D0%9E%D0%99%D0%94%D0%9E_%D0%93%D1%80%D0%B8%D0%B3%D0%BE%D1%80%D0%B8%D0%B9_%D0%98%D1%81%D0%B0%D0%B0%D0%BA%D0%BE%D0%B2%D0%B8%D1%87БРОЙДО Григорий Исаакович - Түзөтүүлөр тарыхы2026-04-18T11:17:29ZУикидеги бул барактын өзгөртүү тарыхыMediaWiki 1.40.0https://encyclopedia.edu.kg/index.php?title=%D0%91%D0%A0%D0%9E%D0%99%D0%94%D0%9E_%D0%93%D1%80%D0%B8%D0%B3%D0%BE%D1%80%D0%B8%D0%B9_%D0%98%D1%81%D0%B0%D0%B0%D0%BA%D0%BE%D0%B2%D0%B8%D1%87&diff=9860&oldid=prevТурганбаев Элебай: Турганбаев Элебай moved page БРОЙДО to БРОЙДО Григорий Исаакович: БРОЙДО Григорий Исаакович2024-05-14T09:11:12Z<p>Турганбаев Элебай moved page <a href="/index.php?title=%D0%91%D0%A0%D0%9E%D0%99%D0%94%D0%9E&action=edit&redlink=1" class="new" title="БРОЙДО (мындай барак жок)">БРОЙДО</a> to <a href="/index.php/%D0%91%D0%A0%D0%9E%D0%99%D0%94%D0%9E_%D0%93%D1%80%D0%B8%D0%B3%D0%BE%D1%80%D0%B8%D0%B9_%D0%98%D1%81%D0%B0%D0%B0%D0%BA%D0%BE%D0%B2%D0%B8%D1%87" title="БРОЙДО Григорий Исаакович">БРОЙДО Григорий Исаакович</a>: БРОЙДО Григорий Исаакович</p>
<table style="background-color: #fff; color: #202122;" data-mw="interface">
<tr class="diff-title" lang="ky">
<td colspan="1" style="background-color: #fff; color: #202122; text-align: center;">← Мурунку нускасы</td>
<td colspan="1" style="background-color: #fff; color: #202122; text-align: center;">09:11, 14 Май (Бугу) 2024 -деги абалы</td>
</tr><tr><td colspan="2" class="diff-notice" lang="ky"><div class="mw-diff-empty">(Айырма жок)</div>
</td></tr></table>Турганбаев Элебайhttps://encyclopedia.edu.kg/index.php?title=%D0%91%D0%A0%D0%9E%D0%99%D0%94%D0%9E_%D0%93%D1%80%D0%B8%D0%B3%D0%BE%D1%80%D0%B8%D0%B9_%D0%98%D1%81%D0%B0%D0%B0%D0%BA%D0%BE%D0%B2%D0%B8%D1%87&diff=9859&oldid=prevТурганбаев Элебай: Created page with "'''БРОЙДО''' '''Григорий Исаакович''' [07.11. 1884, Вильно (азыркы Вильнюс), Россия империясы – 23. 05. 1956, Москва, СССР] – советтик партиялык ишмер, 1905–1907-жылдардагы жана 1917-жылдагы ''Февраль революцияларынын'' катышуучусу. 1902-жылы жергиликтүү гимназияны, 1909-жылы Петербург..."2024-05-14T05:10:30Z<p>Created page with "'''БРОЙДО''' '''Григорий Исаакович''' [07.11. 1884, Вильно (азыркы Вильнюс), Россия империясы – 23. 05. 1956, Москва, СССР] – советтик партиялык ишмер, 1905–1907-жылдардагы жана 1917-жылдагы ''Февраль революцияларынын'' катышуучусу. 1902-жылы жергиликтүү гимназияны, 1909-жылы Петербург..."</p>
<p><b>Жаңы барак</b></p><div>'''БРОЙДО''' '''Григорий Исаакович''' [07.11. 1884, Вильно (азыркы Вильнюс), Россия империясы – 23. 05. 1956, Москва, СССР] – советтик партиялык ишмер, 1905–1907-жылдардагы жана 1917-жылдагы ''Февраль революцияларынын'' катышуучусу. 1902-жылы жергиликтүү гимназияны, 1909-жылы Петербург университетинин жогорку юридикалык факультетин бүтүргөндөн кийин Ташкент шаарында адвокаттын жардамчысы болуп иштеген. Ташкенттеги темир жолчуларды революциялык кыймылга чакырык жасаганы үчүн 1912-жылы Пишпекке (азыркы Бишкек) сүргүнгө айдалган. 1916-жылдагы улуттук-боштондук кыймылына (кара: ''Үркүн'') катышкан деген күнөө менен кызматтык чини төмөндөтүлүп, Казалинскдеги (азыркы Казалы шаары, Казакстан) запастагы 1-Сибирь аткычтар полкунун карамагына жиберилген. Жети-Суу аймагындагы куралдуу көтөрүлүш тууралуу Г. Бройдо 1916-жылы 3-сентябрда Ташкенттеги сот палатасынын прокурору Адамовго сурак берген. Ал анда 1916-жылдагы көтөрүлүштүн себептерин (жергиликтүү калктын укуксуздугу, айдоо-жайыттардын тарышы ж.б.) ачып, 1905-жылы түзүлгөн ''Келгиндер башкармалыгынын'' саясий ишмердүүлүгүн катуу сынга алган. Анын биринде ''Пишпек'' уездинде жергиликтүү калк үчүн айдооого жарактуу жер жылына 3-4 айга гана жарактуу Суусамыр өрөөнүнөн бөлүнгөнүн көрсөткөн. Февраль революциясынан кийин Ташкенттеги солдаттар депутаттарынын, көп өтпөй Жумушчу жана солдаттар депутаттарынын Советин жетектеген. 1918-жылдан Түркстан АССРнин БАКнын Москвадагы ыйгарым өкүлү, 1919-жылы Самарадагы партиялык мектепте бөлүм башчы, ошол эле жылы Чыгыш фронтунда Аскер революциялык советинин мүчөсү, 1919–1920-жылдары РСФСРдин БАКы жана Эл комиссарлар советинде (ЭКС), Улуттар советинде ''Түрк комиссиясынын'' тышкы иштер боюнча бөлүм башчы, 1920–1923-жылдары РСФСРдин Улуттар советинде эл комиссарынын орун басары болуп иштеген. 1921-жылы Москвадагы Чыгыш эмгекчилеринин Коммунисттик университетин уюштуруп, анын 1-ректорлугуна дайындалган. 1925–1930-жылдары ВКП(б)нын басма иштери боюнча бөлүм башчынын орун басары, Саратов коммунисттик университетинин ректору, 1933–1934-жылдары Тажикстан КП БКнын 1-катчысы, 1934–1941-жылдары бир катар жогорку советтик-партиялык кызматтарды аткарган. 1941-жылы партиядан чыгарылып, 1945-жылы он жылдык мөөнөткө эркинен ажыратылган. 1953-жылы мунапыс алып, 1955-жылы партиялык билети кайтарылып берилген. Анын 1916-жылдагы үркүн тууралуу китеби Кыргызстандын тарыхын окутууда маанилүү булактардын бири болуп саналат.<br />
<br />
Эмг.: Национальный и колониальный вопрос. М., 1924; Восстание киргиз в 1916 г.: (Мое показание прокурору Ташкентской судебной палаты, данное 3-го сент. 1916 г.). М., 1925. </div>Турганбаев Элебай