КОЙСАРЫ БИЙ

КОЙСАРЫ БИЙ (т. ж. б. – 1670-жылдан кийин өлгөн) – чоң багыш уруусунун бийи. Моголстан ханы Абдуллага (Абдаллах) (1638–69/70) бай­ланыштуу эскерилет. Ал Ошту каратып кела­тып, Беш-Буйнак деген жерден Койсары бий, Кара-Ку­чук бий, Йол-Болду бий, Уч-Куртка бий, Афат, Шады ж. б. жетектеген кыргыздардан жеңилүүгө учураган. Кийин Абдулла хан кайрадан кыргыз­дарга каршы аттанып, Нарын дарыясынын жээгинде жашаган кыргыздарды чаап кеткенде, Койсары бий, Йол-Болду бий ж. б. артынан барып, Ак-Сайда хандын колуна сокку берген. Койсары бий жөнүндө маа­лымат анын Кашкар шаарына аким болушу, би­рок, хандыкка Исмаил келгенде аны түшүрүп, ордуна Койсары бийдин уулу Күчүктү дайындашы м-н аяктайт. Көп узабай Сузук, Касым ж. б. бектер козголоң уюштуруп, Койсары бийге кошуп 25 кишинин башы алынган.

Ад.: Тарих-и Кашгар. Материалы по истории кыр­гызов и Кыргызстана. Т. 1. Б., 2002.

Т. Асанов.