АБХАЗ ТИЛИ

АБХАЗ ТИЛИ – абхаз элинин тили. Кавказ (ибери-кавказ) тилдеринин абхаз-адыгей тобуна кирет. Эки диалектиге (абжуй, бзыбь) бөлүнөт. Адабий тили абжуй диалектисинин негизинде калыптанган. 1862-жылы П. К. Услар орус графикасынын негизинде туңгуч абхаз алфавитин иштеп чыккан жана Абхаз тилинин адабий формасы ошол мезгилден тартып калыптана баштаган. Латын графикасынын негизинде 1928-жылы жазмасы иштелип чыккан, 1938-жылы ал грузин графикасына, ал эми 1954-жылы орус графикасына которулган.