КОВАЛЁВ
КОВАЛЁВ Александр Александрович (1921- жылы туулган, Москва облусу, Люберцы) – геолог, геология-минералогия илимдеринин доктору (1970), СССРдин мамлекеттик сыйлыгынын эки жолку лауреаты. Москва геологиялык чалгындоо институтун бүткөн (1943). Кыргыз ССРинин геология башкармасынын геологиялык партияларында ж-а экспедицияларында улук, башкы геолог болуп иштеген. Кийин МГУда эмгектенген. Кыргызстандагы уран кендеринин бирин ачууга ж-а чалгындоого активдүү катышкан. Эмгек Кызыл Туу ордени, медалдар м-н сыйланган.