КОБЫСТАН
КОБЫСТА́Н – 1) Азербайжан Республикасындагы Жейрен-Кечпес суусуна жакын жердеги тоо; 2) Кобыстан аскаларына тартылган байыркы оймо-чиймелер. Мезолит доорунан орто кылымга чейинки мезгилге таандык 4 миңден ашык түрдүү сүрөттөн турат. Алардын арасында эгин эгүү ж-а жыйноо, курмандык чалуу ж. б. диний ж-а чарбачылык
мүнөздөгү сюжеттүү сүрөттөр көп. Кобыстан оймо-чиймелерине жакын жерде таш дооруна таандык тургун жай үңкүрлөр бар. Ошондой эле б. з. ч. 3-миң жылдыктагы коло доорунда эл отурукташкан жайлар ж-а көрүстөндөр да белгилүү.