КНЯЗЬ
КНЯ́ЗЬ – 1) 9–16-кылымдарда славян ж-а кээ бир башка элдердеги феодалдык-монархиялык мамлекеттердин башчысы же ак сөөктөрдүн өкүлү. Князь адегенде аскердик демократиялык органдарды башкарып, кийин алгачкы феодалдык мамлекеттин башчысына айланган. Алгач Княздык бийлик шайлоо аркылуу берилсе, кийин мураска (Байыркы орус мамлекетинде Рюриковичтер, Улуу Литвада Гедиминовичтер ж-а Ягеллондор, Польшада Пясттар, Чехияда Пржемысловичтер ж. б.) өткөн. Байыркы орус мамлекетинде ж-а Литвада өлкө башчылары Улуу князь, калгандары уделдик княздар деп аталган; 2) мурас аркылуу бериле турган дворяндык титул. Алгачкы князь титулун Россияда 18-кылымда Д. И. Меньшиков алган. Княздык наам Россияда Октябрь революциясы жеңгенден кийин ББАКтын 1917-жылдын 10 (23)-ноябрындагы «Катмарларды ж-а жарандык чиндерди жоюу жөнүндө» декретинен кийин күчүн жоготкон.