КНАУФ
КНА́УФ Владимир Иосифович (1918, Украина, Первомайск шаары – 1987, Бишкек) –
геолог, геология-минералогия илимдеринин доктору (1975), Кыргыз ССР ИАнын корреспондент мүчөсү (1984). Москва геологиялык чалгындоо институтун бүткөн (1941). Кыргыз ССР Геология башкармалыгында издөө ж-а геологиялык карта түзүү партиясынын начальниги, экспедициянын башкы геологу (1946–65), Кыргыз ССР ИАнын геология институтунда улук илимий кызматкер, лаборатория жетекчиси (1965–75), Кыргыз ССР ИАнын сейсмология институтунда лаборатория жетекчиси (1975–84), институттун директору (1984–86). Кыргызстандын геологиялык түзүлүшүн, тектоникасын ж-а сейсм-тектоникасын изилдөөгө салым кошкон. Кызыл Жылдыз, Эмгек Кызыл Туу ордендери, медалдар м-н сыйланган. Кыргыз ССРинин геология кызматына эмгек сиңирген кызматкери.