КЛИППЕРТОН АРАЛЫ
КЛИ́ППЕРТОН АРАЛЫ Тынч океандын түндүк бөлүгүндө, Мексикадан 1120 км аралыкта жайгашкан. Арал 7 ээн атоллдон турат. Аянты 6 км2. Климаты тропиктик. Орточо температурасы 20–32°С. 1521-жылы Магеллан ачкан. 1708-жылдан француздардын ээлиги. Алгачкы илимий экспедиция 1725-жылы бир нече ай бою аралда болгон. Аралды 1897-жылы Мексика басып алган. 1935-жылы Эл аралык арбитраж сотунун чечими м-н кайрадан Францияга кайтарылган. Франциялык Полинезиянын жогорку комиссары башкарат. 20-кылымдын башына чейин гуано (жер семирткич) казылып алынып келген. 2-дүйнөлүк согуштан кийин толугу м-н ээн. 20-кылымдын 30-жылдарында аралга 2 жолу АКШнын президенти Франклин Д. Рузвельт келип, аскер-аба базасын түзүүнү пландаштырган.
Ад.: Остров Клиппертон // Всё о странах мира, атлас-справочник. М., 2006.