КЛИМАТ СЕЗОНДОРУ
КЛИ́МАТ СЕЗОНДОРУ – белгилери (жылуулук режими ж-а нымдуулук шарттары) м-н өзгөчөлөнгөн, бир нече айга созулган жыл мезгилдери. Экватор алкагында абанын температурасынын жылдык амплитудасынын аздыгына ж-а туруктуу нымдуулугуна байланыштуу климаттык сезондуулук дээрлик байкалбайт. Мелүүн алкакта к ы ш, ж а з, ж а й ж-а к ү з, субэкватордук, тропиктик, бир аз субтропиктик алкактарда климат сезондору негизинен жаан-чачын режими боюнча к у р г а к (жаан-чачын өлчөмү аз) ж-а н ы м д у у с е з о н г о (жаан-чачын өлчөмү бир кыйла арбын) бөлүнөт. Сезондордун алмашышы негизинен атмосферанын жалпы циркуляция (циклон м-н антициклондордун сезондук аралашуусу) өзгөчөлүктөрү м-н шартталган. Уюлдук аймактарда кыш узакка созулуп, кыска болот, өтмө климаттык сезондору жок.