КЛЕОПАТРА

КЛЕОПА́ТРА VII (б. з. ч. 69, Александрия – б. з. ч. 30, ошол эле жер) – Птолемейлер динас­тиясынын акыркы падышасы, Птолемей XIIнин (Авлеттин) кызы, Птолемей XIIIнүн карындашы ж-а аялы, 51-жылдан мамлекетти аны м-н кошо бийлеген. Күйөөсүнөн бийлик талашып, 48-жылы Сирияга куулган. 47-жылы Александрия согушунан кийин Ю. Цезардын жардамы м-н Египетке кай­ра келген. Цезардан уулдуу болгон (Цезарион). Клеопатра 41-жылдан М. Антонийдин союздашы болуп, 37-жылы ага турмушка чыккан. Октавиан (Август) м-н болгон согушта жеңилгенден кийин Анто­ний ж-а Клеопатра өздөрүн өздөрү өлтүрүшкөн. Клеопатранын образы адабиятта (У. Шекспир, Б. Шоу ж-а искусство­до Д. Рубенс, ж. б.) кеңири чагылдырылган.

Клеопатра VII тирүү кезинде жасалган оригиналдын мрамор көчүрмөсү. Б. з. ч. 40-жыл чен; Берлин, Мамлекеттик музей.