АТООЧТОР

АТООЧТОР ‒ лексика-семантикалык мааниси боюнча заттардын атын, сын-сыпатын, санын билгизүүчү, маани берүүчү сөз түркүмдөрүнүн тобу. Атоочторго зат, сан, сын, ат атоочтор кирет. Бирок булар өз ара лексика-семантикалык, грамматикалык белгилери боюнча айырмаланса да, атоо мааниси жана айрым грамматикалык категориялар (жөндөмөлөр, көптүк, таандык мүчөлөр) негизинен алардын бардыгына орток.