АТОМ РАДИУСУ
АТОМ РАДИУСУ ‒ молекуладагы жана кристаллдагы атомдор (ядролор) ортосундагы аралыкты болжолдуу ченөөгө мүмкүндүк берүүчү чоӊдук. Ал ангстрем (Е) менен өлчөнөт (1Е =10‒8 см). Кристаллдардын ички түзүлүшү жана тышкы формасы атом жана ион радиустарына көз каранды. Атом радиусу металлдык жана коваленттик болуп бөлүнөт. Металлдык радиус үчүн элементтердин кристаллдык түзүлүшүндөгү атомдордун эӊ кыска аралыгынын жарымы алынат. Коваленттик радиус металл эместердин молекулаларындагы бир байланышынын узундугунун жарымына барабар. Кристаллдык химияда мааниси өтө чоӊ.