‒ суутек м-н ширетүү ыкмасы. Эки вольфрам электроддун (электр манжасынын) ортосундагы электрдик жаа жылуулуктун негизги булагы. Жаанын жогорку темп-расынын (6000°Сге чейин) таасири астында суутек молекуласы (Н2) мол. абалдан атомдук (Н) абалга өтөт. Андан ары муздай баштаганда суутек кайрадан молекулага айланып, кошумча жылуулук бөлүү м-н күйөт. Диссоциацияланган суутек металлды коргойт. Мына ошентип, дээрлик бардык металлдарды (жез ж-а жез кошулмаларынан башка) ширетүүдө бекем ж-а катуу жик салынат.