э т н о г р а ф и я д а (лат. аssimilatio ‒ аралашуу, өздөштүрүү) ‒ бир элдин эне тилин, мад-тын, улуттук аӊ-сезимин жоготуп, экинчи бир элге сиӊип кетиши. Бул процесс эки түрдө: табигый ж-а мажбурлоо жолу м-н жүргөн. Табигый А. калктын түрлүү этностук топторунун арасында узак мезгилге созулган карым-катнаштын негизинде, алардын өз ара никеге турушунун ж. б. факторлордун натыйжасында жүрөт. Улуттар арасында теӊсиздик өкүм сүргөн өлкөлөр ичинде А. мажбурлоо, зордоо жолу м-н ишке ашырылган. Мис., Австрия империясында, кийинчерээк Австрия-Вен грияда, Россияда ж. б. жерлерде ушундай А. процесси жүргөн.